شيري عادل: السوشيال ميديا بقت مكتوبة علينا.. وبعرف منها انطباعات الجمهور عن أعمالي

تحدثت الفنانة شيري عادل، عن السوشيال ميديا وأهيمتها في حياتنا، مشيرةً إلى إنها تلجأ إليها لأخذ انطباعات الجمهور عن أعمالها، بجانب الاعتماد على ردود فعل الجمهور في الشارع. 

وقالت شيري عادل خلال حوارها مع الهضبة اليوم: طبعا السوشيال ميديا بقت مكتوبة علينا، وبنتعامل معاها وبنقرأ الحاجات اللي عليها. 

وتابعت: وباخد من السوشيال ميديا انطباع لو حد ضد حاجة معينة أو مبسوط من دور عملته مثلا، فـ أنا برضه باخد فكرة عن الحاجة دي نجحت ولا لا من خلال السوشيال ميديا، بس بحس إن الانطباع وردود فعل الجمهور على الحقيقة الموضوع بيكون مختلف.

وسبق، وأشارت شيري عادل إلى أهمية  معرفة ردود فعل الجمهور على أعمالها من خلال الشارع ومقابلتهم على أرض الواقع، وقالت: ردود الفعل في الشارع هي اللي إحنا واخدين عليها طول عمرنا.

وأضافت: وهي حقيقية أكتر من السوشيال ميديا لأنك بتبقى شايف الشخص اللي بيكلمك من قلبه وشايفة عينيه، وفي تواصل وبتتكلموا مع بعض، بنقابل الناس وبيقولك عجبني حاجة أو إن ولادي عجبهم حاجة معينة في شغلي، فـ طبعا التواصل في الحقيقة بحسه مؤثر أكتر.

أعمال شيري عادل

يعد مسلسل حكايات جروب الدفعة، آخر أعمال شيري عادل، وعرض العمل في بداية هذا العام 2023، وشارك في بطولته كل من: عمرو وهبة، ولاء الشريف، أحمد ماجد، أسامة الهادي، تامر شلتوت، بسمة داود، وغيرهم، والعمل من إخراج محمد عبد السلام.