نجوي إبراهيم : بقينا بنشوف في السنين الأخيرة حوادث قتل بسبب الحب .

ك : ايهاب..

الهضبة اليوم  : تحدثت الإعلامية الكبيرة والدكتورة نجوى إبراهيم عن الحب بين الماضي والحاضرؤ وذلك من خلال حلقتها في برنامج “بيت العز” المُذاع عبر راديو نجوم إف إم.

وقالت نجوى إبراهيم في بداية حديثها أن في الماضي كانت الفتاة تبحث عن الرجُل ذو الشكل الجميل والجيب المتعمر، مُعبرة عن ذلك بـ “الوش والجيب” حيث كانت هذه المطالب الأساسية، أما في الوقت الحالي فـ إن السيدات أصبحن يبحثن عن أشياء مختلفة ويَمِلنَّ إلى عمل الكثير من الإختبارات لشريك حياتهن على كل المستويات.

دلوقتي بقى في انفتاح لفظي
وفي ضوء الحديث عن المقارنة في الحب بين الماضي والحاضر قالت نجوى إبراهيم: “الولد زمان كان يقول كلمة حلوة للبنت وتبقى مستحية كده، لكن دلوقتي بقى في انفتاح لفظي، بيتكلموا كلام بنحس إحنا بتوع زمان إنه شتيمة ومبنقدرش نقوله، وواخدين على بعض ممكن يهزر معاها فـ يروح خابطها في مثلا في كِتفها.

وتابعت: زمان كانت البنت عشان تتجوز واحد بياخدوا فترة شهر مثلا لحد ما ياخدوا على بعض ويشيلوا الكُلفة ووشها يحمر.. لكن دلوقتي في بنات البنت عايزة الشاطر حسن، اللي يديها عنيه، اللي ينتحر علشانها، ويقولها ده أنا أموت نفسي لو سبتيني، لو نلاحظ في الحوادث نلاقي حاجة مبالغ فيها، إنه ينتحر أو هي تنتحر عشانه أو يقتلوا بعض، بقينا بنشوف في السنين الأخيرة دي حوادث قتل فعلا بسبب الحب”.وشها بيحمر؟”.