ساحة الرأي

سد النهضة

سد النهضة

 

 

سد النهضة

 

كتب.خلود ابو السعود

كتر اوووي الكلام في موضوع سد النهضة واكتر من جهة تناولت الموضوع من مختلف جوانبه سواء سياسيا أو اقتصاديا او حتى من خلال تناوله من طرف خبراء المياه والسدود على المستوى العالمي والأفريقي والمحلي
بس النهارده انا حتكلم من ناحيه تانيه خالص
تعالو نقرا تصريحات السيد الرئيس ونفهم ايه اللي بين السطور ٠
اثيوبيا وللمرة الأولى وبعد مفاوضات شاقة ومتعثره دامت فوق العشر سنين أظهرت نواياها الحقيقيه في بناء السد
وقالت صراحه أن من حق إثيوبيا أن تتحكم في حصص المياه اللتي تصل لمصر والسودان وان لها الحق في أنها تحصل على المقابل لبيع الحصه يعني بالعربي كدا حتبيع الميه للي حيدفع اكتر ودا طبعا شي مرفوض تماما
بس تعالو نفكر كدا بهدوء وبدون أي انفعال
ايه الجراءه دي اللي تخلي إثيوبيا تقف قدام مصر وتخليها تتحدى بالشكل دا وهيا عارفه ان اي مواجهة عسكرية بين
الطرفين محسومة لصالح الجيش المصري قبل ماتبدا
اقولك انا
إثيوبيا ومن سنين طويلة ومنذ بداية التسعينات وهيا بتقيم
علاقه طبيعيه مع الكيان الصهيوني العفن والموساد
الإسرائيلي متحكم لاقصي درجه ومسيطر على مراكز دعم واتخاد القرار
في إثيوبيا وطبعا من ورا ذلك الأم أمريكا راعيه الإرهاب
الأولى على مستوى العالم
طب ياعم كلنا فاهمين دا وعرفينه ايه بقى المشكله
المشكله ياسادة هيا أن النهضة اللي عملها الريس في الفترة الأخيرة وقيامه بتطوير الجيش بطريقه افزعت كل الدول العدوة لمصر مش عاجبه الست أمريكا وعايزه تعد اللي بيعملو
الريس فتقوم مساندة إثيوبيا ومشجعهاه على الوقوف في وش مصر ومتوقع طبعا ان رد فعل مصر حيكون بعد التعنت الإثيوبي هو ضرب السد من خلال عمل عسكري
وهنا بقى نقف واقفه ولازم نركز اووي
دا كل أمل أمريكا وحلفائها أن مصر تقع في الحفرة دي
الحفرة اللي اتحفرت للعراق قبلنا وشربها صدام حسين
وبعد ماكانت العراق شوكة في زور أمريكا بغزوها للكويت
وجدو المبرر لضربها وهد اقوي جيوش المنطقة في هذا الوقت ٠
ودا السيناريو اللي مرسوم ومخطط له جر مضر في حرب
وإيجاد المبرر لحشد قوي تحالف الشيطان للاعتداء على مصر
وضرب كل تقدم فيها
لاكن الريس بحكمته المعهودة وحنكته السياسه بيدير الموقف
على نار هادئة وعارف وفاهم اكتر مننا كلنا ايه اللي بيدور
اخوتي
الحرب مافيش أسهل منها لاكن حدمر حلم حلمو الريس ببناء
مصر الحديثه
ياريت كلنا نسيب القياده السياسية تدير الأمور وكلنا ثقة في أنها حتتخد القرار الصح في التوقيت الصح
اسفة على الإطالة وتحياتي للجميع
حفظ الله مصر
حفظ الله شعبها
حفظ الله قائد نهضتها الحديثة عبد الفتاح السيسي

مقالات ذات صلة

زر الذهاب إلى الأعلى
%d مدونون معجبون بهذه: